बालसंस्कार शिबिर अंतर्गत विश्वविक्रमीय स्तोत्र मंत्र पठण व वृक्षारोपण संपन्न – २१ जुलै २०१९

बालसंस्कार शिबिर अंतर्गत 

वर्ल्ड रेकॉर्ड ॲक्टिव्हिटी मोठ्या उत्सहात संपन्न

( स्तोत्र मंत्र पठण व वृक्ष संवर्धन )

दि. २१ जुलै २०१९

वेळ : सकाळी १०.४५ ते ११.४५ – स्तोत्र मंत्र पठण.  ।  दु. १ ते ३ वृक्ष लागवड व संवर्धन.

 

दिनांक २१ जुलै रोजी बालसंस्कार शिबिर अंतर्गत सामूहिक स्तोत्रमंत्र पठणाचा विश्वविक्रम व वृक्षारोपण उपक्रम संपुर्ण महाराष्ट्र तसेच विदेशातही संपन्न

            अखिल भारतीय श्री स्वामी समर्थ गुरुपीठ, त्र्यंबकेश्वर जि. नाशिक सेवा कार्याच्या बालसंस्कार व युवा प्रबोधन विभागाच्यावतीने सामूहिक स्तोत्र-मंत्र पठणाचा विश्वविक्रम करणे तसेच वृक्षारोपण शिबिर पार पडले.

            या  सेवा कार्याच्या वतीने नियोजित उपक्रमाच्या माध्यमातून दिनांक २१ जुलै २०१९ सकाळी १०.४५ ते ११.४५ या वेळेमध्ये संपूर्ण  देशातील श्री स्वामी सेवा केंद्र व उपक्रमात सहभागी झालेल्या काही शाळांमधील विद्यार्थ्यांकडून एकाच दिवशी आणि एकाच वेळी  सामूहिक पद्धतीने त्यांच स्मरणशक्ती,एकाग्रता व मानसिक विकास साधणारे स्तोत्र-मंत्रांचे सामूहिक पठण करुन घेण्यात आले. तसेच त्याच दिवशी वृक्षारोपण अभियान राबवण्यात आले. या उपक्रमात संपूर्ण महाराष्ट्र, इतर राज्य व देशातील विद्यार्थ्यांनी सहभाग होता.